14 Mar 2023

Ka vanram in nuam tak kawng chu kraws a ni

Phuahtu: J.B Pounds
Lettu: Rev. H.K Dohnuna


Ka vanram in nuam tak kawng chu kraws a ni,
Chu lo chu kawng a awm lo;
Ka thleng lo vang, Lalpa min siam in chu,
Kraws nunna kawng chu ka hloh chuan.

Ka van in kawng kraws a ni (2),
Ka kal chhungin ka kawng hmuh zel ka duh,
Ka van in kawng - Lalpa kraws chu.


Ka vanram in kawng kraws ka zawh tan laiin,
Ka phurrit a lum bo va;
Lalpa, eng a lo lang a, ka zawh ta,
Ka rilru hlimin a lo khat.

Ka Lalpain ka kraws a zawh hmasa,
Ka tan kraws chungah thiin;
Kawng hrehawm leh ralti a lo zawh chu,
Ka tan nunna kawng a lo ni.

Chuvangin, ka khawvel nun hlui ka thlah ta,
Hawi kir leh tawh lo turin;
Ka Lalpan vanram kawtchhuahah min au,
Ka thlen hma loh chuan min nghak.

Courtesy: Kristian Hla Bu No: 205

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: