19 Mar 2023

Kan Pathian kulhpui nghet a ni

Phuahtu: Martin Luther
Lettu: Rev. Dr. Lalsawma


Kan Pathian kulhpui nghet a ni,
Himna hmunpui, chhe thei lo;
Sualna tuilian fâwn vêl mah se,
A nghîng lo vang, kan himna.
Setana râl lian chuan,
Fing tak leh thiam takin,
Vervêkna râlthuam nên,
Min tihchhiat a tum reng;
Leian hneh thei an awm lo.

Kan chakna ringin ṭang ila,
Kan theihtâwp pawh a thlâwn ang;
Mahse, kan zâm lo - Ṭanpuitu,
Pathian mi ruat kan neih hi.
Tu nge ni, in zâwt maw?
Krista Isua ngei kha;
Sipaihote Lalpa,
Kumkhuaa pângngai kha,
Aman dovin a hneh dâwn.

He lei hi ramhuai lo khatin,
Keini min tihchhiat tum se,
Kan hlau lo vang, min hnehtîr dâwn,
Pathian ngei chuan – A thuin.
Thim lal, râpthlâk ber chu,
Kan hlau lo’ng engtin pawh;
Thinurin thawk mah se,
A boral thuai dâwn e;
Pathian thuin a that ang.

Pathian thutak an hneh chuang lo’ng,
Lei mi chakte pung khâwmin;
Thlarau Thianghlim leh thilpêkte,
Lalpan min pe, min pui si.
Lei ro leh chhûngkuate,
Kan nun nên la rawh se;
Taksa an tihlum thei,
Thutak an hneh chuang lo’ng,
Pathian ram a ding reng dâwn.

Courtesy: Kristian Hla Bu No.17

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: