Lalpa thlipui a tleh chiam a

Phuahtu: Mary A Baker

Lettu: Rev. E. Rowlands (Zosapthara)

Satu: Rosy K Remsangpuii

Lalpa, thlipui a tleh chiam a,
Tuifawnte pawh a sang hle;
Khua nasa takin a dur khup a,
Hliahkhuhna a awm lo ve,
Kan lawng tunah a pil dawn hi,
Nangmah i muhil si;
Boral ila pawi i ti lo vem ni?
Tho thuai la, min chhanhim teh;
Thli tleh leh tuifawnin a thu an awih,
"Bang rawh u,"
Thlipui tleh mah se, tui tifawnin,
Khaw dur te, khawpui te, kawlphe - eng mahin,
Lawng a tichhe thei lo, lei leh van Lal,
A chhunga awma kha ring selangin;
A thu lawm takin an awih fo thin,
"Bang rawh u,"(2)
A thu lawm takin an awih fo thin,
"Bang, bang rawh u."

Lalpa, lawng ang mai ka nih hi,
Khawvela ka awm chhung hian;
Boralin ka inring fo a ni,
Tanpui lo thlen hma loh chuan,
Thlemnate hi thlipui angin,
Ka chungah a thleng thin;
Tuifawn chung anga nghet lo ka kalin,
Van thlen theih loh ka inring;
Thlipuite hau angin hau reh ang che,
"Bang rawh u,"
Ka thinlungah lawng a awm ang khan,
Nangmah i awm fo, keimah min tanpui nan,
Chuvangin, thlemna, Setana - engkim,
I hau reh thei, ringin ko ilangin;
Min do khaw durte hau reh ang che,
"Bang rawh u," (2)
Min do khaw durte hau reh ang che,
"Bang, bang rawh u."

Courtesy: Kristian Hla Bu No: 156