Lawmthu ka hrilh che

Phuahtu: Benjamin Pazawna
Satu: Mizoram Synod Choir (2022 - 2024)

Ka lungkham leh chakkhai tinreng nangin min ngaihtuahsak thin,
Tawngtaia i hmaa ka kunin nangin min lo ngaihsak thin;
Ka mamawh tin min pek avangin he fak hla hi ka hlan che.

Lawmthu ka hrilh che aw Lalpa, chawlhna tuikamah te min hruai a,
I hming avangin felna kawngah te min hruai thin a;
Thihna hlim kawr zawh mah ila nang ka hnenah i awm si a,
Ka hlau ngai lo'ng i kiangah chuan ka him reng si.

Nang ka lama i tan chhung chuan tunge min do thei ang le?
Engmahin min then thei ngai lovang i hmangaihna ata chu;
Hmangaih hlu ber sual chhandamna chu thinlungin ka vawng reng ang.

Min dotu laka min humin ei tur min lo buatsaih thin,
Aw, lawmna famkim chu pek min tiam malsawm tinrengin ka liam;
I thatna leh ngilneihna vangin he fak hla hi ka hlan che.