Lawmtlak rawngbawlna

Phuahtu: T Zonunsanga
Satu: Zemabawk North Pastor Bial Zaipawl, Lunglawn Presbyterian Kohhran Zaipawl

Nawmsaknate zawngin i tlan thin maw?
Nun hlimnate zawngin i tlan thin maw?
I ngaihtuah chiang ngai em, i kawng zawh kha?
Boralna kawng nge nunna kawng zawk?
Lei hlimna mai mai maw i lo buaipui thin,
Reilo tea hlimna i zawn ruai mai le,
Ngaihtuah chiang la i nunna kha,
Hun tha a liam mek hi.

Dawn chiang la, han hawi vel teh,
Krista pasaltha an rawh bun mek saw,
I tuarpui ve te zawng anep em mai,
Buaipui tham Isua hi lo zui ta che.

Kristian thalaite u, ngaihtuah chiang r'u,
Rawngbawlna hi kawrah mai kan hmang em?
I thiltih zawng zawng kha ngaihtuah chiang la,
Van Lal Pathian lung a awi angem?
Sualin a hliam mek te i tuam dam sak em?
Sual nghawngkawla tang te i chhuah zalen em?
A hmangaihna vangin chhingmittui a far e.

Aw unau, i sengkhawm em?
Lalpa hmangaihte an boral mek saw,
I hmangaih lo vem ni an liam zel saw,
An hmin zo ta e, i sengkhawm ang u.

Zoram thalai, Lalpa mi huaisente,
Kan zain i thawk chhuak thuai thuai ang u,
I awmna hmunah kei ka hmunah,
Hmelma Setan ram i thiat ang u,
Lei nun thim lai a kiang, a tawn eng zel ang,
Kan Lalpa Pathian ram a lo nih thlengin,
Theihtawp chhuahin i bei ang,
Hun thim a thlen hma hian.

Thinlung thar, rilru thar nen,
Inthawina nung leh thianghlimah chuanin,
Pathian rimtui atan inthawi ang,
Lawm tlakin Lalpa rawng i bawl ang u,
Lawm tlakin Lalpa rawng i bawl ang u.

(A hla thu hi video ngaihthla chunga chhut chhuah chawp mai ania, an hla thu lam kan hriat fiah theih chian loh te leh a dang pawh a dik tawk lo a awm mai thei a,  a dik zawk hriat chuan comment section ah emaw kan e-mail: mizohlathu@gmail.com ah lo sawi ula, kan siamtha dawnnia.)