Nang leh kei

Phuahtu: Peka Fanai
Satu: HT Lalthanzami

Lungchimtea dawn chang hian lung a awi thei mawlh lo,
Nang leh kei hi kawp tura duan kan ni si lo maw;
Engkim i tan huam viau mah ila tlang rel phura'n ka phal lo che,
Hloh hlautu hian thlah liam che a duh ngai lo.

Ni a her a, khua a tlaiin nunkhua a ngui, ka ngai em che,
Van chung sanga leng siar zingah i hmel ka zawng leh thin;
Suangtuah ram bak nang leh kei hian kan pel thei lo,
A rem si lo, Khuanu ruat loh di, kan tan khuavel hi a dawng lua e.

Lungrun, nang pawh kan thawnthu hiani lung a dum zo bik lo'ng,
Heti maia tawp leh tur chuan i ui, ka hai mawlh si lo;
Ramri kham chin kan pel thei si lo, phengphe khua kan tlai tawh si,
Hringnun piah lamah tal intawng leh ang aw.

Beidawnna leh mangannain nunkawng an chimin min ko la,
I kianga awm turin ka lo hnai ang.