Zo zepui

Satu: Ramhlun North Branch YMA Zaipawl

Kan pi-pu suihlung an mawl e kan ti thin maw,
Dawn chiang teh mahni kutkein an ding si;
Lanu, val rual kawltu chawi tuantul rengin,
Anpai bawih atan hneha fam pawh huamtu.

Zofaleng i tho ang aw, kan hnam chhanin i pen rual ang aw,
Hrenga min tantirtu doral lian mahse;
Kan hnam zia, nunphung mawi dar tui anga luang kha,
Vul zel se, van hnuai khuavel thang rawh se.

An tlawm lo mingo hmaah, ngur rual an duai lo,
Dokulh, Lianphung, Ropuiliani, Kalkhama;
Tar kuna kawrvai jail run bang zutte kha,
Kan nghilh lo thang leh thar ten kan chawisang e.

Pipu sala leng kutdawh hnam rual kan si lo,
Rianghlei naufa ten an bel ngur tin runpui;
Chhunrawl fak silhnem puan hma dawi ang dawmin,
Eng kan ang ve maw thangthar zaleng rual hi.

Uirena, sual leh rukruk, hlemhlet tuar ngai lo,
Hnam rinawm kha ni ngai e, Zomi lengte;
A tu a inzei ding hre lungmawl rah tu,
Zo zepui nunmawi liam lo la vul zel rawh.

(A hlathu kan rawn tarlan hi an music video ngaihthla pah chunga kan chhut chhuah mai ania, a dik lo lai a awm ngeiin kan ring a, hlathu lam hriatchian loh lai te pawh kan nei a, a dik zawk hria chuan comment section ah hian emaw kan email mizohlathu@gmail.com ah a dik zawk rawn sawi turin kan ngen a che u.)