Pathian thil rel dan chu a va mak em

Phuahtu: David Charles
Lettu: Rev. E.L Mendus & Lalhlira
Satu: TBC Zaithanpuia, Elizabeth Lalfakawmi

Pathian thil rêl dân chu,
A va mak êm!
Hriat phâk rual loh a ni,
A tum zauzia;
Thil tê ber pawh a vêng,
Vân thil a rêl kim e;
Pathian ruat ang zêlin,
Engkim a thleng.

Khawvêl ram pum pui hi,
Aman a vêng;
A kutan an awm vek,
Ama rêlan;
Hetah lo ṭhiat mah se,
Hmun dangah a din thar;
Pathian ram din tûr hi,
A tum a ni.

Thim chhahna lai ber pawh,
A lo êng ṭhîn;
A buaina lai ber pawh,
Chiang tâwk takin,
A lo veng fel thuai ang,
Thihna lui râlah chuan;
A thawh dân lan hunin,
Mak kan ti ang.

Courtesy: Kristian Hla Bu No.22