Phuahtu: L Kamlova
Satu: Siampuii Sailo
Suihlunglenin rinin han thlir ila,
A lang van ram pui;
Leia lungngai fate tual an lenna,
Beram No leh nunna thing par tlanin;
Hmangaite an leng za,
A ropui e, lawmin i zai ang u.
Aw, thisen hlu zaiin ka chawi nang e,
Min hmangaihna ropui;
Kalvaria tlanna thisen,
Zaiin ka chawi nang e.
Awmkhawharin tinkim han dawn ila,
Lawmna a lo hnai thin;
Hmangaihtu thisen zara lawmna chu,
Kan vannei hle Pathian faahte chuan;
Krista'n min vuah tak hi,
Lawmna kim chu rawngbawlna hi a ni.
Ka chan tawka lawmna ropui ber chu,
Hmangaih thianghlim a ni;
Pathian fa leh rawngbawltu nihna nen,
Min hualhim keimahah hian thawk la;
Aw, ka Lalpa duh tak,
Min hmang ang che thlarau chhandam turin.
5 Mar 2023
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: