Thuthlung an tiam ta

Phuahtu: El-Bethela
Satu: Bawngkawn Pastor Bial Zaipawl

Hmangaih Pathian lei dan i siam chu,
Kan unaute chungah ngei hian;
I rawn lan tir tak avang hianin,
Aw Lalpa, kan fak a che.

Kan unaute'n i dan chu zawmin,
Pumkhatah an lo insiam ta;
An thutiam hi lo nghet zel se,
Rinawma vawng dun zelin.

I hmaah ngei thuthlung an tiam ta,
Nangin hriatpuiin malsawm la;
Lungngaih ni leh lawm lai niah pawh,
Tanpuiin malsawm ang che.

I malsawmna rochan fanau leh,
He lei malsawmna zawng zawng nen,
Nangin vur la, i hming ropui nan,
I kohhran tan malsawm rawh.

Chhungkaw ropui Kristian chhungkua ngei,
Lo din ngei se i ropui nan;
Sual leh thlemna doral karah pawh,
Rinawma i rawngbawlin.