Aw Current Vanlal Current

Satu: RD & the 3 Rappers, Lydia Pachuau & RDa

Aw current, vanlal current,
I tel lo chuan hringnun hian,
Awmzia reng a nei si lo,
Aw current, vanlal current.

Bairaibi an ti, mini hydel project,
An ti, chu ti, kha ti,
Kilowatt, megawatt leh Bukpuite,
Ah! ka hriat loh tur tha tha ka hriat phah,
Nangmah vang vek a lo ni.

Ahah! vanlal current, ahah!
Thil awm tha duh lo current,
Kan khawtlangin, kan ramin,
Nitin, thlatin, kumtin,
Cheng engzat nge a hloh thin ka hre lo,
Ka chhut thiam bawk hek lo,
Nangmah avangin chhungkaw engzat nge buai thin a,
Eizawnna engzat nge khaihlak thin tih phei chu,
Ka hre lo deuh deuh.

Ahah! vanlal current, ahah!
Thawktute mawhpuh hleih theih a ni lo,
Keimah ang bawk a mamawhtu che annih avangin,
Mahse, hei chu ka hria kan naupan laia Bairabi kha,
Ka tlangval hnuahah a la Bairaibi reng tih hi.

Aw current, vanlal current,
I tel lo chuan hringnun hian,
Awmzia reng a nei si lo,
Aw current, vanlal current.

Exam tan nat vang lai tak te hi,
I intihtheih hun a ni,
Nangmah avang hian lehkhazir laia,
Mombati khalh nawm zia ka hriat phah,
Nangmah avang vek hian,
Rannung tam tak mombatiin ka far hlum,
Awm ni la chu...

Ahah! vanlal current, ahah!
Vanlal current, ahah!

Khu, America-a reilote chhung i awm lo a,
Khawvel a dengchhuak,
Pawisa chuti, khati zat kan hloh,
Chuti, khati an ti,
Kan ram riangte i awm loh chen hi zuk awm lo ve teh reng,
An va buai nasa dawn em,
Hetah rawn tir chhoh hlawm teh,
Current tel lova survive dan kan lo zirtir ang e.

Ahah! vanlal current, ahah!
Vanlal current, ahah!

Aw current, vanlal current,
I tel lo chuan hringnun hian,
Awmzia reng a nei si lo,
Aw current, vanlal current.

Nangmah avangin mombati zuar leh,
Pawihte inverter zuar an hlawk,
Nangmah phiangsen avang hian,
Ka masi kawrthar leina tur,
Inverter lei nan ka hman phah.

Ahah! vanlal current, ahah!
Vanlal current, ahah!

Duh hun lai taka i awm loh avanga,
Damdawiin bel miharsaten,
Eng harsatna nge an tawh ka hre lo,
Serial tak tak kan nghah fan fan,
I awm loh vanga chhuak tha thei lo
Chanchinbu zo zai te hi..

Ahah! vanlal current, ahah!
Vanlal current, ahah!

Khawlthluakneia hnathawh ngai,
Xerox ngai, i awm loh vanga,
Hun kan khawhral zo zaite hi a tam kan ti.

Ahah! vanlal current, ahah!
Vanlal current, ahah!

Aw current, vanlal current,
I tel lo chuan hringnun hian,
Awmzia reng a nei si lo,
Aw current, vanlal current.

Hey, heng zawng zawngte hi,
Thukamkeuna mai a ni,
Min ti hrilhhai lai ber chu e,
S(i)tar hun bik leh ni bikah te,
Nidanga chhuak ngai zen zen lo,
Special programme a awm dawn a,
Kar tluanin nghakhlel takin kan ring kan lo fan a,
A hun a thleng ta maw tih veleh,
Induh ngawt zel mai thin hi a ni.
Ahah! ral leh lam kan thlir, an eng uar lawi si,
Ahah! nangmah avangin inkhel hmuhnawmte,
Zaithiam zaite, mi chungchuang leh mi bik lo programme te leh,
Historical event pawimawh tak tak te,
Kan va chan hnem ta em!

Ahah! vanlal current, ahah!
Vanlal current.

Heti ang reng rengte chuan
Chan(a)chinbu chhiar tur awm hek suh,
Radio a o ngaihthlak theih hek suh,
T.V en theih hek suh,
Khawvel te hi lo dap ta paw ni ta teh reng se,
Engtinnge kan hriat theih teh lul ang,
RD & the 3 rappers te pawn an ti.

Aw current, vanlal current,
I tel lo chuan hringnun hian,
Awmzia reng a nei si lo,
Aw current, vanlal current.

Aw current, vanlal current,

I tel lo chuan hringnun hian,

Awmzia reng a nei si lo,

Aw current, vanlal current.

Aw current, vanlal current,
I tel lo chuan hringnun hian,
Awmzia reng a nei si lo,
Aw current, vanlal current.