Chun leh zua vrs hrai te

Satu: RD & the 3 rappers featuring KC Lalthanzuali

Kan nu leh pa te hian,
Min hmangaihin min vei tak tak lo a ni tir'aw,
A dik chiah a lawm, fate aiin thildang vei an nei lian zawk a,
Hetiang te chuan fa tha neih in beisei reng reng suh se,
Chu, in hrethiam maw?
Chun leh zua te u, lo ngaithla rawh u le.

Ka chun leh zua te u, in hraite hi min thlir teh u,
Ramthim ka vei, khawtlang that nan ka thawk in ti,
Mahse, hraiten ngawl kan vei si,
Ramthim in hai a ni.

Ka chun leh zua te u, in dawn chiang lo a ni zawk e,
Ramthim veiin khawtlang that nan thawk mah ula,
Engmah a sawt chuang hlei lo'ng e,
Ramthim in hai a ni.

A..a hah!
Chun leh zua ten sum leh pai it vangin
An hrailengte min manghilh ta si,
Chun leh zua te u, lo ngaithla te u,
Hei hi in hrailengte anhla chu a ni,
Sum leh pa hi hlimna a ni ber lo va,
Chhungkaw damna leh hlimna hi,
A pawimawh hmasa zawk asin.

Ka chun leh zua te u, in dawn chiang lo a ni,
In hraileng chawite hremhmun lamtluangah,
Muangte'n kan liam mek,
Chatuan ram thlenga in ro chhawm theih chhun,
In hraileng chawite min hai ta em ni?

Ka chunnunnem, lo ngaithla teh le,
Ka chunnunnem, i fanu neihchhun saw han thlir ve teh,
Nitin, zantin val kuah lawrin a fawr vel e,
Mahse, i thiam loh a nih saw,
Ramthim i vei zawk a,
Ka chun nunnem zirtirna tha pe ngai hek lo che a,
Nitin, zantin i lensanin i chhuahsan a,
I venghim zo lo a nih saw,
Ramthim i vei zawk a,
Ka chunnunem, i rangkachak thi ai kha chuan,
I fanu neihchhun sawi a pawimawh zawk,
I hmingchhiatna leh thatna a nih saw,
I fanu aiin incheina tih vel mai maiin,
I rilru a la zawk hi a mak ka ti,
Fanu te tan a entawn tlak chunnu nih tum ta che.

Ka pa duhtak, lo ngaithla ve rawh le,
Ka pa duhtak, i fapa Mama hi min thlir ve teh,
Nitin, zantin rui chhe chhawin ka fawr vel e,
Mahse, i thiam loh anih hi,
Khawtlang i vei zawk a,
Ka pa duhtak, i fapa Mama hian a dem a che,
I duh hunah kut i thlakin i sawisa a,
Mahse, i vei tak tak si lo,
Khawtlang i vei zawk a,
A..a hah!
Ka pa duhtak, eiru tun tun chung khan,
Ka hau ve te chu min ti ve maw,
I thu zawm te chu e khawi lamah,
Teuh hian a teuh lo lutuk ringawt,
Nangma nun khan zir phawt se,
Tichuan, i hrailengten kan entawn ve dawn che a lawm.