Aw Zoram

Phuahtu: C Lalzarmawia
Satu: PC Lalrozami, Zoramchhani

Kan ram hi kan thlir vel thina,
Lungawina reng ka hmu lo;
Sualnain a khat dikna reng awm si lo,
Thlan pawn lam hnawih var chhunglam tenawm si,
Ang mai maw kan nih le
Pawn lamah a tha, chhung lam erawh thim si.

Aw Zoram, inenfiah thuai la,
Aw, harhchhuah a hun ta;
Nang leh kei hi a mawhphurtu,
A chhe laite siamthatu tur,
Kan ramin a nghah reng chu i ni,
Dikna tiang kengin phar chhuak la,
Siamthat nan hun tlem a la awm,
Aw Zoram, harh rawh, i tlai ang e.

Thudik tantu kei ti chung zelin,
Hlemhletna pung zel bawk si;
Siamthatu tur reng an awm lo em ni le?
Mihrang, sahrang hmaa zawm ngai lo,
Zofa leng zawng zawng te u,
Eng vang kher nge maw sual doral kan hlauh le?

I pamhmai lua e, liam mai atan,
Khawngaihin min lo nghak la;
Ka zawng leh nang e Zoram pasaltha chu,
Mihrang kaltate thawhleh hun nghak a,
Piallei thuahriata zal te'n,
"Tho ta che," tiin nang leh kei min au ve.