Nitin Lalpa

Phuahtu: H.T Sangliana
Thluk Siamtu: Joseph Zaihmingthanga
Satu: Joseph Zaihmingthanga

Zing ni chhuak eng mawi leh boruak thiang karah,
Chibai bukin, Lalpa, i hmaah ka lo kal e;
Ni thar duhawm leh mawi min pek vangin,
Kunin i hnenah, lawmthu ka rawn sawi e.

Chhun a lo thenin i hmel min hmuhtir la,
Englai pawhin ka ke pen min tih ngil sak la;
Nun Kawng raltitnaah awm ka nihin,
Min vengin, Lalpa, min hualhim zel ang che.

Nitin, Lalpa, i hnenah awm ka duh,
Ka tih, ka sawi, ngaihtuahna leh;
Ka duhthlanna zawng te,
I ram leh i felna nen inremin.

Khua a lo tlai a, ni a lo tlak dawnin,
Ka tihdik loh awm apiang min hriatchhuah tir la;
Thupha ka chawi, thinlung inchhirin,
Malsawm tlaka nun mawi neih ka duh e.

Zan a lo thlenin hahchawlhna min pe la,
Thinglung lawm a khatin laikhumah min zal tir la;
Zan mutchhinin mang lamah min hrilh rawh,
Ram hlun tur Van Jerulam chanchin mawi.

Ka nunah i duhdan lalber se,
Mite tan malsawmna ka nih theih nan;
Ka chakna leh theihna zawng te hi,
Min ven sak ang che, i tan chauh Lalpa.