Ram leh hnam humhalh nan

Phuahtu: C Lalzarmawia
Satu: Angaihteii

Zofa leng zawng te'n hei lo ngai teh u,
Ram leh hnam humhalh turin;
Pi pu lamthai tin, zai hla tinreng nen,
Nghilh lova chawisang zelin,
Zo tah puan mawi - lanu rohlu, ngun kua mawi tinreng nen,
Chawmkhuang darbu leh zai rem thil zawng te,
Zofa runrem lai ber chang se,
Kan pi leh pu hnen sulhnu zawng te,
Zofa thinlai ril ber luah sela,
Chutin tu hnuaiah kun ni ila, Zofa kan bo lo'ng e.

Thingzarin piallei deh ni awm thei lo,
Hei zawk ti em? kan ram chu;
Zoram Zofa tan, tawn ngam hnamdang tan,
Khap khat tawlh hun tur hawhin,
Ram kan humhimna tih hriain,
Thisen hlan ngam ila,
Hei chin kan ram leh mual tia,
Hei chin kan ta ti bil lo vin,
Zoram - Zofaah lungawi ila,
Insuihkhawm ram leh hnam dinchhuah nan,
Thendarh - zochhum iang zam ralna tur,
Zoramah lungawi ang.

Thuneihtu'n dikna tiang keng se,
Zofa zawngte rinawmin,
Tlawmngaihna par ang lo vul dawn chauh se,
Pi pu nun mawi chhawm zelin,
Siamtu tiha thudik tanin ram roreltu nise,
Ei bar silhfen leh thawh thil tinrengte,
Zo chhuak ngei kan lo rin theih nan,
Thiam zirna run kai Zofa zawng te'n,
"Ram leh hnam tan," rawn ti theuh sela,
Chhungtlaiah mai duhtawk lovin ram leh hnam humhalh nan.