A ngui ruai e, kan run chhung sumtual zawng chu

Phuahtu: Saihnuna

A ngui ruai e, kan run chhung sumtual zawng chu,
An kim lo ve lungduh dawntuai lengte;
Vangkhaw dung sei tuala'n leng ve ang maw tiin,
Ka nghak reng a sianga lawi an rel ve lo ve.

Kei zawng nauang tapin khawvelah hian,
Hrinhniang chan ar ang ka vai e;
Hnemtu ka nei lo.

Lungrualin leng ang maw ka hrai leng zawngte,
Chun leh zua rawn lo va rihsang kai hnu;
A rem lo ve awmkar khua rei ka dawn changin,
Hnutiang hawi ve ang maw zamual liam tur chu.

Pi, pu'n an hril phul zing thlafam khua zawng chu,
Hmuh theih chang se chun leh zua tel lova;
Hrinhniang rairah run chhung zawng chu fang mah ila,
Lung a awi chuang lo'ng e, tahna a sei thlawn e.