Aw, tunah hian chanchin mak tak chu,

Phuahtu: Suakliana
Satu: Luangmual Pastor Bial Zaipawl (2014-16) Lallianzovi, Emily Laldinsangi Chawngthu

Aw, tunah hian chanchin mak tak chu,
A lo thleng hrilh sen rual a ni lo;
Lalpa Isua hmangaih aw mawi chu,
Khawvelah a thang mek a ni.

Ziona mi an duh loh kha,
Thiltihtheihna lalthutthlengah chuan;
Ropui leh thianghlim zahawmin,
Hnam tinrengin an hmu ang.

Kalvaria thihna hnehtu kha,
Hrilh fiah thei tumah reng an awm lo;
Aw mawi chhiar sen loh lawmna ber leh,
Nun sang tam tak siamtu a ni.

A fimna leh a vawhna hmaah,
Ding thei thianghlim tumah an awm lo;
Ropuina leh rorelna zawng zawng,
Amen, Lal Isua ta a ni.

A chuai lo vang ka Chhandamtu chu,
Mi nung, Pathian Fapa, Lalber chu;
A mawi ber e, nunna pangpar chu,
Fak r'u, lei leh van mite u.

"Ngai teh, ka lo kal thuai dawn," a ti,
Tho rawh u, Lalpa tan pen rawh u;
A rorelna ni chu a hnai ta,
Aw ka nunna, Lalpa fak rawh.