Beiseina tham ral

Phuahtu: Thartea Darngawn
Satu: Laldinpuia, Bzi Tochhawng

Leng dang hnawla ka thlan parmawii,
A zun ngai hian tlai ni ka leng thin a;
Sul ang kan inzui khua a sei vang nge,
A thinlaiah puan ang ka hlui tak le?

Theih chang ve a mi leng iangin,
Derna biahthu awm lo hmangaihna;
Par tlana len ve hi ka nuam thin e,
Mahse, ka tan beiseina tham ral mai.

Lem ang min der ka hai ngai nem maw?
Mahse, ka hmangaih em che vang hian,
Nem te'n tawrh zai ka rel leh mai thin,
I dawn phak sai lo maw, ka thinlai na.

I chun leh zua, i chinlai leng paw'n,
An hai nem maw, ka hmangaihna hi;
Chutin nang paw'n i hai mawlh lo ve,
Hei vang em ni, lungrun? Dawn chiang ve teh.

Sial ang kan zuina lamtluang dangah,
Thenna biahthu hlan che ka zuam si lo;
A zual zel si ka hmangaihna pawh,
Mahse, lem ang min der i bang si lo.