Hmana Aiguptaa lungngaite

Phuahtu: Patea
Satu: Hma-i Chawngthu, K Lalkhumtiri, C Zothanmawii, HC Zampuii,  Tlanglawma Ralte

Hmana Aiguptaa lungngaite,
Chungnung kutin min hruai chhuak la;
Ngai lo nang e ka ram hlui Aigupta,
Khawngaihna Lal thutiam lam ka pan ang.

Chhum ding eng hma hruai zel rawh,
Nang kan zui zel ang che;
I tiam ram Kanaan mawi chu aw mi hruai thleng ang che,
Kanaan par tlana len ka nuam e.

Thlaler puanzar hnuai atang hianin,
Tapin Zion ka han thlir a;
Lung a leng e, ka kur zel ngei dawn e,
Kei aia ngai chuang che awm tak ang maw!

Paran thlaler ram ro ka thleng ta,
Ka chau em e, nun ka zuam lo;
Ka ngai nun thing i zar mawi nuam tak chu,
Nang lo chu lunglai hnemtu an awm lo.

Kan thleng dawn ta kan pan ram mawi chu,
Salem vangkhua ri chu ngai r'u;
Kanaan lenkawl eng chu a zam vel e,
Israel lungngai lo vin hlim tawh rawh.