Ka bung dawntuai par ang vul lai

Ka bung dawntuai par ang vul lai,
Ka tan khawvel ti mawitu chu;
Thangvan sang run lumpui turin,
A hmangaih Lalpa'n a hruai ta.

Ka ngai em e, ka par mawi te,
A sakhming sawi ka vang thei lo;
Ka tan lungngaih chhum a zing e,
Tah lai reng hi ka bang thei lo.

I chun leh zua u leh naute'n,
Tuar har kan ti thlafam ngaih chu;
Aw, a har zual ka dawn khawlin,
I tel lo va tlai nilen zawng.

Ka dawn ngam lo pialrem kar a,
Dar tui ang i luang ral tur chu;
Ka phal lo che, ka vul mawi te,
Lo kir rawh aw, lo kir lul rawh.

Zawt vel ila awm  tak ang maw,
Kei ang fam zunleng ngai chuang hi;
Ka tuar thiam lo'ng hring chan chhungin,
Nau ang ka tap tlai nitinin.