16 Jul 2023

Kalvaria i hmangaihna chuan

Satu: H Lallawmzuala

Kalvaria i hmangaihna chuan
Fang chhuak thuai la khawvel zawng leh ram hi;
Nangma tlan sa lei mihringte,
Thihna anchhe karah an leng.

Lalpa Isu, i ropuina leh zahngaihna,
Lan tir thuai la chi tin zingah;
Mihring rilru suala hliam hnu,
I hming ropui fakin zai rawh se


Kan ram lungngaih buaina karah hian,
Tunge Lalpa kal chhuak ang chhan turin;
Chhim leh hmarah nangma hming hlu,
Tanpuitu dang reng an awm lo.

Khawvel sualna hi chhumpui angin,
A lo zinge Lalpa ka thinlungah;
Rawn hlip kiang la van meialh chuan,
I tan parang ka vul leh ang.

Ka tap Lalpa, i ram ngai hianin,
Chatuan ram leh hmangaihte lenna chu;
Engtikahnge lungngaih rumna,
Pela mittui tlak a hul ang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: