Kawng raltiah Lalpa min hruai ang che

Kawng raltiah Lalpa min hruai ang che,
Tih duhdahna tam tak zingahte chuan;
Hlim hun leh lungngaih hun laite pawhin,
Thlarau Thianghlim, aw min hruai ang che.

Thlaler hrehawm taka ka chen lai hian,
Lalpa Isu min thlamuantu ber kha;
Kawng fel tak leh thianghlim takah chuanin,
Aw Lalpa, min lo veng zel ang che.

Setana leh a chaknate nen chuan,
Min hneh tura an lo tan rual loin;
Ka dingnghet ang Lalpa hmaah chuanin,
Thlarau Thianghlim, aw min hruai ang che.

Ka vah bona kawng chu hla tak a ni,
Ka Pa in ka kal san rei tak ata;
Tunah ka lo kir e aw, ka Lalpa,
Min kaiin min lo veng zel ang che.