Nangma thil ropuite an sawi

Lettu: Rev. Liangkhai
Satu: B Lawmsangpuii

Nangma thil ropuite an sawi,
Zion kan Pathian khawpui;
A thu phelh tawh ngai lo va khan,
A siam che ama chen nan,
Chatuan lungpuia innghat chu,
Enginnge tinghing ang che;
Chhandamna banga inhungin,
I hmelma i hlau lo vang.

Enteh, chatuan hmangaihnaah,
Tuinung luite lo chhuakin;
I fate zawng zawng a chawm a,
Tlakchham reng an hlau lo vang,
Chutiang lui a luan chhungin,
Tunge tuihalin chau vang?
Lalpa a petu a zarah,
Khawngaihna a bang lo vang.

A hmun tin velahte chuanin,
Ropuina himna turin;
Mei leh chhumte a inlar a,
Lalpa a hnai tih hriat nan,
Chutin anmahni avang chuan,
Eng leh hlim nuam chu an hmu;
Him nan manaa chu an ring a,
Lalpa'n anni a pek chu.

Lalpa Ziona khawpuiah chuan,
Khawngaiha min tel tir chuan,
Khawvelin min hmusit mah se,
I hming chauh ka chhuang ang e,
Khawvel lawmna a ral mek a,
A ropui leh mawina nen,
Zion fate chauh lo chuanin,
Lawmna tak an nei lo ve.