Thlafam tluang lam zawh ka nuam mang e

Phuahtu: Saihnuna

Thlafam tluang lam zawh ka nuam mang e,
Zawt ila min hrilh thei awm ang maw?
Hrinhniang rairah zalam thuamah,
Tawn leh ni ka nghakhlel.

Ka phal lo chawilai thlafam chan chu,
Ar ang kan vai run chhung zauvah hian;
Vangkhawpui tual nuam a ngui e,
Lenrual ka ngai vawng vawng.

Rihsang kai hnu zawn ka nuam mang e,
Hmuh theih chang se ka nau bungdawntuai;
Tlang zapui rel dawn lo hianin,
Zion mual ka liam ang.

Awmkhawhar lunglen ka tuar zo lo,
Ngai lo ang rengin ka awm thei lo;
Kei ka lungkham dawntuai ngaiin,
Nilen ka zuam lo e.