Mizo fate u finna zawng ula

Phuahtu: Thanga

Mizo fate u, finna zawng rawh u,
In theihtawpin bei rawh u;
At leh sual dovah inbuatsaih ula,
In hriamhrei pawh keng ula.

Keimahni Zo tlang ram nuam takah hian,
Finna leh ropuina tui kan in ang;
Hma lam kan um ang, thim a kiang ang,
Eng leh tukverh a lang ang.

Ka nu, tap su, vai ramah ka kal dawn,
Rei lo te kan inthen ang,
Kan Pathian zarah dam tawn ang a,
Ka nu, kan inhmu leh ang.

Vai ram ata ka lo haw leh hunin,
I hlimin i lawm ang a;
Kan lungngaihna hi lawmah a chang ang,
Tunah tap rih mah ila.

Ka u, ka nau leh ka lenrualte u,
Dam takin lo awm rawh u;
Vai ramah hrehawm, hlauhawm kan tuar ang,
Kan ram chhanin kan tang ang.

Mizoram, nang hi i ni ka hmangaih,
I thatna tur ka duh hi;
I ropuina theihtawpin ka zawng ang,
I hming lo than mawina tur.