Luangliam

Phuahtu: Hruaia Ralte
Satu: H Lalthakima

I sakhming pawh ka hriat hma atang khanin e,
Min fan chhuak ka zungzam lairil ngaihtuahna leh,
Duhaisamna te chu i kiangah lo chuan e,
Lengdang tawnah thla reng a ngam thei lo.

Thinlung chhungril hmangaihna luangliam chuan,
Min fan zo ngei ka sakruang leh zungzam zawng te;
A pawi em mai i tan ka tling si lo,
I zun ngaia tah khua sei tur hi dawn ve rawh.

A ruk te hian ka lo hmangaih reng tawh che a,
Hlan ngam si lo che hian suihlunglen ka lo tuar a;
Sakhmel tawn chang che hian ka thlir vawng vawng che a,
Lungrualtea lendun ka lo nuam thin.

Hmangaih biahthu di anka nem hlan ka zuam lo,
Lengdang anka nem val ngur nun leng karah hian;
Nang nen hian kan hringnun kar hi a hla lua e,
Hei hi maw an sawi phu loh di ngaih chu.

Engtikah her chhuak ve ang maw runhmun len hun,
Karah hraileng chawia lendun ve ka nuam e;
Mahse maw, duhaisam mai hi maw ka chan le,
Zan tawnmang maiah maw ka lo tawn che.