Tawngtaina

Phuahtu: Lalremmawia
Satu: Maruati Hnamte

Ka țhingthi e Lalpa, ka kutsuihin,
Chhan loh zawhna tam tak a rawn lut a;
Mahse hei hi ka hria, ka tana țha tur zawkin,
Ro min relsak țhin, min kalsan ngai lo.

Chunglam thlirin van lam ka han en a,
Thla leh arsi mawi tak ka han hmu a;
Zan thim kara engmawi, hei hi hringnun a ni,
Nun a thim zual leh Krista hmel a êng zual țhin.

Chak lo ber leh puih ngai,
I hmaah ka lo kun e,
Nang lova tlei thei lo,
Hmantlak ni si lo hi,
Min kova, i tel lo chuan ka kal thiam lo Lalpa,
Nangin (Aw) min hruai ang che.

En teh Lalpa, ka nun ram a chau,
Thing ro apiang a alh duh an ti maw?
A nih chuan Lalpa, hei hi ka dil duh che,
Min chhem alh ve rawh,
Harhna mei chhi ve turin.

# Aw Thlarau Thianghlim, kan ngen che,
Harhna dik min pe turin,
Min siamthar la, min dinthar la,
I hmangaih hringfate,
Kan chak lo,
Kan rawn țhingthi e.

Thunawn -
Chak lo ber leh puih ngai,
I hmaah ka lo kun e,
Nang lova tlei thei lo,
Hmantlak ni si lo hi,
Min kova, i tel lo chuan ka kal thiam lo Lalpa,
Nangin (Aw) min hruai ang che.

I tel lo chuan ka kal thiam lo Lalpa,
Nangin min hruai ang che,
Nangin min hruai ang che.