4 Oct 2023

Thiam channa kraws

Phuahtu: HD Lalremruata
Satu: Angaihtei Hnialum


Ka Lalpa min hmangaihna a va thuk em,
Anchhedawng Kraws a thlang ta mai hi;
Lei leh van inrem lehna tur chauhvin,
Thihna rapthlak ber tuarin a hneh ta.

Thiam loh channa reng a awm tawh lo,
Thia kha Krista Isua tho leh Krista chu a ni,
Thutiamtu ka Lalpa hi a rinawm si a,
Thiam channa Kraws ka tan damna a ni.

Van Lal fapa tuarna saw han thlir teh,
Lungngai takin thlaphangin a au;
"Ka Pathian, ka Pathian, engah nge mi kalsan?" tiin,
A tan pumpelh kawng dang reng awm si lo.

Thisen chhuak lo vin ngaihdamna awm si lo,
Chu thisen chauh chu sual tlenfaina a ni;
Thiam min chantirtu ka Lalpa kraws zarah,
Van khawpui kawngkhar hawn sak ka lo ni ta.

Ka tan Krawsa thi kha a tho leh ta a ni,
Thlan ata chelh hlen rual lohin a tho leh ta,
An zalhna thlan ngei chu a ruak ta, hretu kan ni e,
A thawh leh avangin nunna thar a hawng ta,
A thawh leh avangin nunna thar a hawng ta.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: