Beiseina

Phuahtu: Jonathan Lianhna
Satu: Jonathan Lianhna ft Zorema Khiangte & Uncle Joe

Hringnun hi ka dawn nawn fo thin,
Nun dan thiam famkim awm thei maw?
Buk lung iang kan inteh a, tling zo awm thei lo,
Hringmi tan zawng, mahse, hei hi ka hria,
Kraws chauh min ti mawitu, ka felna, ka thiamchanna kim.

Aw unau, dawn ve teh hringnun tawi zia hi,
I nun tawp ni lo thleng dawn se,
Krista lo thildang kan buaipui hian,
A tawpah awmzia an nei lo'ng.

Thiantha ber Krista chu ka lo nei ta,
Beiseina bo mahse ka tana beiseina,
Ka nun thim ata chu engah min hruai chhuak.

Hringnun hi kan dai fuh seng lo,
Hmalam pen lawk theih si loh chu,
Thinlung ngui rum a chau thin,
Nang leh kei hi zawng kan chak lo thin,
Mahse, Isua a awm, amah chakna zawk chuan,
Nang leh kei hi min chelh reng thin.

Hmangaih tlak loh hmangaihtu
Seola mutmu ka tuah pawh ka kianga hnai chu,
Kei ka thian a ni, min hmangaih a ni,
Ka fel lohna nen ka pan,
Ka hria mi sualte thian,
Ka tana hliam a ni.

Hey! thihna hlim kawr ka zawh pawn,
Kalsan loh min tiam, ka hnenah a awm dawn,
Hringnun kawng ka zawh, sual, mi beidawng ka nih a zual,
Mahse, Krista thu ka vawn a chin,
Ka kawng chu harin lang mahse a awl a sin.

Hey! mitkhapkar pawh ka nunah thu ka nei lo,
A kutah ka nunna thuhruk a ni,
Ka tisa sualna zawng a khengbet,
"A kin ta", i rin phak baka hmangaihtu i nei,
A hming chu Krista.

Krista lo thildang kan buaipui hian,
A tawpah awmzia an nei lo'ng.

Aw unau, dawn ve teh hringnun tawi zia hi,
I nun tawp ni lo thleng dawn se,
Krista lo thildang kan buaipui hian,
A tawpah awmzia an nei lo'ng.

Thiantha ber Krista chu ka lo nei ta,
Beiseina bo mahse ka tana beiseina,
Ka nun thim ata chu engah min hruai chhuak,
Beiseina bo mahse ka tana eng a ni,
Beiseina bo mahse ka tana eng a ni.