Hlimna (Khuakhurum OST)

Phuahtu: SaiWanah
Satu: SaiWanah Sailo

Khawvelah mihring engzat nge cheng i hria em?
Maktaduaih, tluklehdingawn ka chhiar seng lo,
Mimal ngaihdam pawh a inang thei nemaw,
Kan kutzungtang te pawh a inchen lo,
Kan chetthatnate chuan kar khat pawh a daih lo,
Kan chetchhiatna erawh damchhung a daih,
Darthlalang hmaah nitin kan ding a,
Mahni hmaia belmang kai kan hmuh hmaih.

Hlimna nun neite chu an damrei an ti,
Fak aia sel nuam ti mihring kan ni,
A thim zawnga thlir chuan hringnun hi lungngaihna hlir,
A eng zawnga thil thlir thiam tum la,
Hlim in duh chuan lungngai suh u.

Sum leh paiin i hlimna tur chu a lei thei,
Mahse, hausa ber te hi nun hlim ber anni ange'm?
Chan tawka lungawi te chu an eng a thawl e,
Anni hi thinlung mi lian billionaire.

Inngaitlawm apiang hi an nun a lo to,
Nei lem lo nei anga lang hi an chapo,
Ka han dawn chianga hringnun hi a va lo ho,
Kan phu tawk aia sang zel kan beisei.