Lawmnu, lawmpa (Vawikhat pian man)

Phuahtu: SaiWanah
Satu: SaiWanah Sailo

Intro:

United States of Tahan ațangin Mr.Sai
Tahan Rap Generation (TRG)
Hmela, hetah keimah tuifim veng tlangval
Hmela, hetah keimah

Hook (Chorus)

Lungngai mai lo la
Aw beidawng lo la
Beidawng lova kan beih chhung chuan a awm reng kan tan beiseina
Aw! lawmnu, lawmpa
Kan damchhan hria ila
Hlimin kan zai ang kan lam ang nui ang vawikhat pian manah

Verse 1:

A rih hi zawng arit a ni kan hringnun dan leh hrai
Inhnial buai lo ang ka thian ka bang lo nang leh kei
A chakawm thin mang e suang tuahna rama cham hlen daih
Dam khaw chhuahna tlang hi kan tan chuan sang em mai

Ni tin kan ei khawpin chaw min pe ang che kan ti
Kan ei khawp chaw min pe mah se lungawi a har a ni
Mihring duhamna hian a nei lo tawp chin leh ramri
Rei lo te tal harh lawk teh Hringnun hi a mawi asin

Suangtuahna hremhmunah i va tang rei ve
Bawrhsawm nite hi chu an ral mai zel
Hlim takin ka kiangah hian lo lam mai teh
lo kal mai teh...

Hook (Chorus)

Lungngai mai lo la
Aw beidawng lo la
Beidawng lova kan beih chhung chuan a awm reng kan tan beiseina
Aw! lawmnu, lawmpa
Kan damchhan hria ila
Hlimin kan zai ang kan lam ang nui ang vawikhat pian manah

Verse 2:

Pathian pawh kan lam a țang ka chiang thlawt
Nei nung fa apiang tlawn lovin ka lam ka sial dawn
Ka hmaa ding apiang saw, suih lungchhirin kan siam dawn
Hei ka chelh ka ding leh veiah khandaih hriam tawn

Thenawmte thil thar neih kan lawmpui lo kan thik
Khawi atanga an neih nge, sum an va ngah bik
Tu rawih lohin kan en thla, an sumdawnna kan chik
Mihring mihrinnain a ken tel chu itsikna hlir

Tham lo takin miten chhawnchhaih thin che mah se
A tute pawh kha dawngsawng la rilru hrisel tak nen
Meihawl iangin dum mahla i eng ang phet phet mai ang
Hmeltha em em lo mahla chu chu skin care țha ber
 
Thalaite u thatlai ni chen ila
Chung lamin ro a rel dawn kan chungah
Mahni chan tawkah lungawi thiam tum la
Ei lo-tu che nei mah la..

Hook (Chorus)

Lungngai mai lo la
Aw beidawng lo la
Beidawng lova kan beih chhung chuan a awm reng kan tan beiseina
Aw! lawmnu, lawmpa
Kan damchhan hria ila
Hlimin kan zai ang kan lam ang nui ang vawikhat pian manah