Tinungtu thlarau

Phuahtu: Upa Benjamin Shakum
Satu: Aizawl EFCI Choir

Mihring fapa, heng lungte hi an nung thei em?
"Aw Lalpa Pathian, nangin i hria," tiin ka chhang a,
An hnenah thu hril rawh Lalpa Pathian chuan a ti,
Ngai teh u, nangni a thawk a awm tir ang a, in nung ang.

Aw Thlarau Thianghlim, nangin i tih nun loh chuan,
Lal Pathian rawngbawl hna kan ti nung zo lo,
Hringmi hriatna leh finna ring lo vin,
Ti nungtu Thlarauvin Lal rawng bawl ang u.

Kohhran pawhin engkim rel bawl thin mah ila,
Ti nungtu Thlarau tel lo chuan kan thawhrimna a thlawn,
Tisa famkim thaw si lo kan lo ni ang,
Krista Thlarau thlifim kan mamawh ber mai a lo ni.

Aw thli, heng thlaa awm te chungah hian thaw rawh,
Thli chu anmahniah chuan lo lutin an nung ta a,
Sipai rual ropui tak angin an ding chhuak a,
Pathian indonaah chuan sual ral tawn turin an intlar.

Kan kawng chu thutaka hrengin ding chhuak ang u,
Kan felna leh chakna Krista chuan inthuam zelin aw,
Thlarau ngunhnam thiltithei tak chu hmangin aw,
Hnehna Kraws chawisangin thlarauvin Lalpa ral do ang u.