Chatuan Lal lian

Phuahtu: RTC Lalduhawmi
Satu: RTC Lalduhawmi, Zoramchhani

He khawvel ka zinna ram,
Thlaler zau leh ram pilril;
Tuihna reng awm lohna hmun,
Thihna te'n thla an zarna,
Hlun loh tur hnuchhawn ramah,
A chau thin, aw, ka hringnun hi,
Ka velin thimin min bawm,
Nunna kawng ka chhui thiam lo.

Chatuan Lal lian, aw, lo hnai la,
I hmel mawi min hmuh tir rawh;
Kei rethei, chau leh saruakin hian,
I khawngaihna ka rawn thlir, min hnar suh,
Aw, ka Lal, ka Lal duhawm,
I awmnghengin min pawm la,
Min humhimin min muan rawh.

Aw, ka Lal, aw ka Lal nunnem,
Beisei, rinna min siamtu,
Famkimna kawng ralmuangah,
Nitinin, aw, min hruai rawh,
He khawvel hrehawmah hian,
Hmangaihtu reng nei lo vin,
Mahriak te'n ka tham vel a,
Aw Isu, min chhandam rawh.

Aw, ka Lal nunnem, aw, lo hnai la,
I hmel min hmuh tir rawh,
Kei rethei, chau leh saruak hian,
I khawngaihna ka rawn thlir, min hnar suh,
Aw, ka Lal, ka Lal duhawm,
I awmnghengin min pawm la,
Min humhimin min muan rawh.