Ding rih la hlimlai ni

Phuahtu: Laltanpuia Tochhawng
Satu: Lallianmawia Pachuau, Vanlalhmangaiha

Hun leh ni te an her liam zel,
Thal tui ianga ka nghah hlim ni;
Hmangaih lenrual lungduh zawngte,
Hlim leh lawma kan len hun tur,
Dawnin zan mu ka chhing thei lo.

Chung Khuanu malsawmna zarah,
Dam te'n kan tawng leh ta hlim ni;
Leng zawng te hian kan au a che,
Ding rih turin, aw, hlimlai ni.

Kan chantawka Khuanu lengin,
A rel ve chu i vui lo'ng aw;
Chantawkah lungawi thiam ila,
Ral leh mai tur hringnun kan chan,
Damlai pialral i chantir ang.

A tawp berna tan chuan hei hi
Vawng reng ang u, lenrual te u;
Hmangaihna insuihkhawmin,
Lawm te lawmpui, tuar te tuarpuiin
Lungngaih ni leh hlim ni zawng te'n.