Ka nghilh thei mawlh lo

Satu: Laltanpuia Tochhawng, Vanlalhmangaiha

Ka thinlungah hian a cham reng min hmangaihna aw kha,
Mitthlaah hian a cham reng min hmangaihna hmel mawi,
Kan intawn loh ni a rei ta, aw, ka van ngai tawh che em,
Aw bawihte, i dam thin em le? Min han ngai ve em?

"Rinawm takin ka awm ang a, 

Nang pawh rinawmin awm rawh,"
Tia biahthu di min hlan lai te kha aw,
Tumah dang hmangaih ka nei lo,
Nang chauh ka hmangaih i ni,
Lem ang min der lul suh i tih lai te kha,
Aw, ka nghilh thei mawlh lo ve.

Ka tawnmang lamah te pawh e, ka nghilh phal si lo,
Min hmangaihna aw mawi khan ka thinlung min fan;
Nangmah rawn chhai ve tu val dang sakhmel thadanga kha,
Ka ngai thei miah lo ania aw, annem lo chhawn suh.

Nang hi maw ka nghilh lo'ng che, i chunnu leh zua te,
I u leh nau leh chinlai leng te zawng pawhin maw,
An phal e maw, phal lo e maw, nangin min hmangaih phawt chuan,
Ka nei dawn che a ni, bawihte, ka nei ngei ang che.