Haleluiah an leng dial dial

Phuahtu: Kalsiama
Satu: Zoramchhani

Rinin vanram thlawkin ka fang,
Ka thlarau hahchawlhna hmun tur;
Ni eng leh khawnvar a ngai lo,
A mawi mang e, ka sawi thiam lo.

An ban vawr siau siau vin an leng,
Kal hmasa leh angel var nen;
Hnehtu hnehna puanvar sin,
Haleluiah an leng dial dial.

Khawvel buai leh lungngaihna ram,
Tapa mittui tlak inthenna;
Riltam, tuihal, retheihna ram,
An ngai lo tawh lo lei hringnun hi.

A mawi mang e ka Lal ram chu,
Van tawtawrawt ri mawi ri nen;
Lei hmun khawhar tahna ram hi,
Pela chawlh hlan ka nghakhlel hle.