Kan hruaitu lo ni la

Phuahtu: PC Lalneihtluanga
Satu: Bawngkawn Hmarveng Pavalai Zaipawl

Aw Lalpa, kan tawngtaina ngaithla la,
Sual leh thlemna tuifawn hrang karah;
I kut pharchhuakin kan banah min kai la,
Tuifawn karah kan pil loh nan.

Aw Lalpa (Aw Lalpa), lawmthu kan hrilh che,
Hlim takin i fak hla kan sa ang,
Kawngtluangin kan hruaitu lo ni la,
Van khawpui kan thlen thlengin.

Sinai danah chuan kan tling zo lo,
Sual man chu thihna a ni sia;
Kan sualna vanga kan boral mai loh nan,
Kalvari dan min pe sia.

Ni tin kan kawng hruaitu lo ni ang che,
Thlalera Israel te hruaitu kha;
Van Kanan thlen hma zawng kan pen bo loh nan,
Mei leh chhumin min hruai ang che.