Ka lal i ni si

Phuahtu: Lalrindika (Mama)
Satu: Lalhlumawii (Bitei)

Hun leh ni, kum leh thla, ni a ral zel a,
Vanglai ni, hlimlai ni, aw, a liam zel si;
Sual kawng zawha ka tlan mek laiin,
Min sawm, min nghak, ka Lal Isua chuan.

Aw Lal Isu, i va ropui em,
Mi sual nung tlak loh,
Min hmangaihin nun thar min pe a,
Ka fak a che, ka chawimawi che, ka Lal i ni si.

Kawng dik leh tha aiin sual kawng ka lo thlang leh thin,
Hlim leh lawmna tluantling, aw, a awm si lo;
Nunkawng dik Krista pan mai loh chu,
Hlimna, lawmna kim a awm lo ve.

Theih tawk leh phak tawkin i hnung ka zui ve a,
Sual do ral lo lianin chhungril a buai zo leh thin;
Min hruai la, min kai la, ka bo tawh loh nan,
Nang chauh ka ngai che, ka nun hruai turin.