Zion zun leng

Phuahtu: CS Lalrothuama (Thuamtea)
Satu: Lalfakzuali (Afaki)

Zion khua chuan, Amen! ka lung min len a ni.

Kan chenna tur Zion khawpui,
Chu ram zun leng zam chuan ni tin min zem a;
Ka thlir reng thin chu hmun thianghlim chu,
Hmangaihna rimtuiin a bawm vel chu ram chu.

Aw, ka ngaih ni hi a bang thei lo ve,
Zion zun leng zam chuan tanglaiah min phuar reng thin a;
Romei zam leh chhum zinna piah ram khi,
Zion khua chuan, Amen! ka lung min len a ni.

Tlantu kiangah hrehawmna zawng zawng,
Hmangaihtu angchhungah a bo tawh ang a;
Nunna tui thianghlim chu dawn zain,
Chatuan Pa, Remna Lal fakin kan awi tawh ang.

Chinghnia leh beram no te pawh,
Lungrual takin chu hmunah chuan an leng za;
Famkimna khawpui tualnuamah chuan,
Famkim lo zawng zawng hi a famkim tawh dawn si.

Chu khawpuiah cheng hlen tur chuan,
Insu fai zawngte chu an lut dawn si a;
Chu hmun thianghlima cheng ve tur chuan,
Tuiah leh thlarauvah pianthar a ngai a ni.