Zofa i thanharh hun chuan

Phuahtu: Lalrindiki Khiangte (Daduhi)
Satu: Lalrindiki Khiangte (Daduhi)

Ka dawn thin kan Zoram hi,
Engah nge hnam khat unaute;
Doral kan chan tak hi,
Hmelma duhthusamin kan hnam,
Leh kan ram a phel ang maw?
Kei zawng thinlai ana, ka phal thei lo.

Aw Zofa, i thanharh hun chuan,
Kan ram, kan hnam min phel darhtu;
'Chi intih bingna hi' sirah hnawlin,
Zofa hnahthak zawngte lungrualin,
Hmatiang sawn zai relin kan leng tawh ang.

Chu hun chu ka nghakhlel em,
Lungrualtea chhinlung chhuak;
Hmatiang kan sawn hun tur chu,
Zoram mai duh tawk lo vin,
Khuavel kan la chhing ngei ang,
Chu hmun ngei chu thlen hlan ka nghakhlel em.

Zofa ram tina leng zawngte,
Kar lamtluang hla mahse;
Rilru hmun khat puin,
Kan thawh apiangah,
Hnamdang khum tumin,
Zofa ti hmingtha zelin pheilai i khai ang u.