A pawi ngei e

Phuahtu: T Maruati
Satu: Mampuii Thlauhthangi

Mi te'n an hril hmangaihna par zu,
Kei ka tan chuan hawilo par iang;
Engvang kher nge maw ka lung di,
Min lo hlan le, rianghlei ka tan.

Dawn ve thin ang che maw,
Nunhlui mualliam tawh hnu, hlimlai ni te,
Koh kir theih chang tawh si lo aw,
A pawi ngei e, dar ang kan intawng hi.

Hriat loh vangin maw, Tha-par-zunleng,
I vullai ni a chuai ka tawnah;
Lunglam ka vai, tinkim dawn changin,
Nang ngaih tah lai ka bang thei lo.

Han dawn chiang teh, phu-loh-lungdi,
A sakhming nunrawng hmangaihna;
Chawia tan zawng ka phal lul lo,
Lam ang lo let rawh ka tawnah.

Ami zaleng te'n hlim leh lawmin,
Hmangaih par zu an tlan e hlim te'n,
Nunhlui ngai suihlunglen hi,
Ka tan Khuanu ruat reng a lo ni e.