Van a duai chuang e (Maremi sak)

Phuahtu: John Mawitea & Mapuii Fanai
Satu: Maremi

Chung Khuanu leng malsawmnain,
Aw, mim ang an lo piang e;
Chutin lo seilian zelin,
Dar ang an intawn ni lo herchhuak ta,
Sakhming leh hmel hriat ngai lo mahsela,
Sakhmelah an indi e,
Chutin hmangaih hrui khat vuanin an leng e.

Tudang ngai lo te'n tual an leng vel thin vangkhaw mawiin,
Runhmun lendun an nghakhlel ve hian ka ring thin,
Khuanu pawh an dil ve ngei ang,
Kumtluanga lendun chu nghakhlelin an thlir vel thin ngei ang.

Mahse, Valmawia dawn lungruk chu e,
Lo phang leh si thina,
A di leng hermawiin a tawnah,
Hmangaih biahthu di hlan thin mahse maw,
Tling zo hian a inring lo,
Lianchhung tawnah a ngur nun a iang si lo,
Tinkim a dawl khawl chang chuan lunglai a phang thin.

Awi maw! fam rihsang a kai ni khan lunglai min run,
A mi leng zawng te thinlai a thawng e;
Hringun hmang dun tura tuan relin maw,
Thawm rivung ri riai karah sarah an zam ral ta si e,
Van a duai chuang e.