Chin miphun ni

Phuahtu: Phun Lian Cung
Satu: Zing Hlei Sung

Ra cio tuah u Chin miphun ni kan phan,
Kan miphun ni hi kan iang nih thuam seh;
Lai Lam phuntling khuangcawi nan ngai lo maw,
Dawtnak in chun ni tla ti usih.

Dawtnak tlang kan zaam lai,
Phun tleidan um lo in,
Kan nun thiang dawh lang cang seh,
Ni aw liam rih hlah law,
Thla aw kan ngang rih law,
Chin miphun ni len kan cim rih lo,
Hitluk ni sung ton nolh um te lai maw,
Sunghlei kan ti Lai hrin sempi rual nih;
Rualremnak he dawtnak par tlanti hi,
Chan chung phai len kan dai hin lai lo.

Kan Lai thuamthil Congnak Puansen Thihni,
Baannal, Lukhimh, Ngunbor, Thitial dawh le;
Ngun-awng Saka, Hrukpi, Ngun khikhiang hna,
Miphun cawisangtu par dawh an si.

Kan Lai nun dawh thawngtha nih hun thuam kaw,
Ritbuai hna kha zaanmang bang an lo ai;
Lai thuam tling he pipu nun dawh cawng in,
Nihin cu lawm in hmang hna usih,