Dam takin mangtha

Phuahtu: T Zorampela
Satu: Lalhlunmawii (Zodi)

Tinkim dawnin hmatiang thlir ila,
Fam zunleng ngai iang thinlai a zing;
Chinlai lenrual lungduh lengte zawng,
Kumtluang chena sam ang ka then tur hi.

Dam takin aw, mangtha, dam takin,
Khuanu zarah dam te'n leng ila;
Hlim te'n dar ang tawng leh ang i maw?
Lenrual zawng te ka ngai dawn mang e.

Senlai nau ang eng dang dawn lo va,
Zar va lungrual iang lenrual te nen;
Zai vawra kan hlim ni zawng te kha,
Nghilh thei reng hian kei zawng ka mawi si lo.

Lenrual kim te'n hai ang tar thlengin,
Hal lo te'n len ve nuam mah ila;
Tuai thar leh a tuan rel a tul si thin,
Ngai chung zelin zamual ka liam ta'ng e.