Zawhna hnuhnung

Phuahtu: CT Tluangtea & Domy
Satu: CT Tluangtea & Domy

A rei tawk i ti em ni?
Kan thawnthuah tawp i khar ta si,
A nei zawk val i di an ti!
Rin phak loh vin, aw, kan kar a khi,
Aw, ka lungngheng lanu,
Cho loh tha valin an chulnel tak chu,
A hriat loha ka hlimpui thin khan,
Leng dang a hlimpui si,
Ka vawng reng kan tiamte kha,
Hawi kir lovin liam mahla,
Kum bi kan chhiar anga,
Tuar dam ka thiam mahna,
Ka lungngheng lanu,
Cho loh tha valin an chulnel tak chu,
Duh chu thlang tawh mahse,
(Aw) hei chauh hi ka zawt nang e.

I tana ka theih tawk, bawihte, a tlawm lua em ni?
Vanhnuaiah kei zawng, aw, ka vanduai a ni,
Awww, i liam ta si, kei zawng, mate, ka zuam lo.

I lakah ka hlimna ka nghat ta mah mah,
A ni tih ka hriat meuh chuan a tlai, ka nat a ngaih phah,
Chuan, i hmangaihna ka chana ka chhal thin kha,
Dawngtu nih a hnekin kei chu phatsana thlah,
Ti chuan, ka phu tawk min hlana lah chu thlahthlama ta,
Kan lo hlimpui thilte kha mittui an far nasat phah,
Nia, ka hria, tlin lohna lah ka ngah,
Mahse, ka phak tawk hmangaihna i pawm ni tlakah ka dah,
Aw, na hi min dawn lo vin lo hlim rawh, Di,
Ka hma ka sial lo, i hlimna chauh ka thlir tho asin,
Mahse, i vui liam ka hmangaihna hian, Min thuam mawi lo em ni,
Lungsak mittui iang i mita ka tlin mawh bik le!?
Ka ngaithiam che, ngaih tawk che erawh ka thiam lo,
Min ngaidam rawh, mi nung hi damah ka inngai tehchiam lo,
Ka puh che ni suh se, keima lam zawk, bawihte,
Mahse, he zawhna ngai hi ka zawt duh che.

 

I tana ka theih tawk, bawihte, a tlawm lua em ni?
Vanhnuaiah kei zawng, aw, ka vanduai a ni,
Awww, i liam ta si, kei zawng, mate, ka zuam lo.

 

I tana ka theih tawk, bawihte, a tlawm lua em ni?
Vanhnuaiah kei zawng, aw, ka vanduai a ni,
Awww, i liam ta si, kei zawng, mate, ka zuam lo.

Ka la ngai ngang che,
Min ngai ve la chuan ka dam tur aw, min ngaidam teh,
Par mawiin hling min chhuah si a,
Ka tan khan chelh i har ta em a ni,
Min dem suh se lainate'n,
Ka lai a na, nang min lainat nem,
Khuanu khian zahngai hram se,
I thinlung a hmelhem loh na'n,
I tan dilin tawngtai nang e.

 

I tana ka theih tawk, bawihte, a tlawm lua em ni?
Vanhnuaiah kei zawng, aw, ka vanduai a ni,
Awww, i liam ta si, kei zawng, mate, ka zuam lo.

 

I tana ka theih tawk, bawihte, a tlawm lua em ni?
Vanhnuaiah kei zawng, aw, ka vanduai a ni,
Awww, i liam ta si, kei zawng, mate, ka zuam lo.