Dawtu ka ngei

Phuahtu: Sailo Thang
Satu: Rachel Hniang

Thaizing kan nun zei kan lawh lai hngal lo,
A fiang lo mi nunnak lam thluan kan zulh,
Rawhnak buainak lawng a tam hi vawlei ah,
Tlaichan awk a tha lo mi vawlei,
A hmun lo mi leicung nuamhnak hna hi,
Hmai panhnak cu tahnak nih a zulh theu,
Siseh Bawipa na dawtnak hi ka hngalh ko,
Na kut chung ka um ca ka hnangam.

Vailam ah misual kei ca nunnak pek in,
Hling luchin an chinh na hnak ah fei in an chunh,
Cu bantuk dawtnak hi lei ah a um lo,
Duh tlin lo nak lei si hmanh seh ka lawmhnak a tling,
Ka aupi lai khamtu ka ngei mi vialte thei hna seh,
Ka thangthat lai ka khamhtu Bawi zungzal in zungzal tiang,
Misual bik mi keimah hmanh nunnak pek tiangin a ka dawt,
Zei ngei lo si ko hmanh ning,
A poi lo Dawtu ka ngei.

Bawipa ka lawm thluachuah rel cawk loin,
Na ka hruai i na ka kal tak bal lo,
Zumhawk tlak na si nak cu lianngan hringhran,
Na velngeihnak cu kei ca a za.