Hlimin leng nang che

Phuahtu: Jonathan Hmingthantluanga
Satu: Jonathan Hmingthantluanga, Samuel Chhangte

Hun leh ni te liamin kumsul a lo vei ta,
Nang nen kan hlimlai ni zawng te'n hman lai ang chang ta,
Rinawm biahthu kan tiam zawng te par ang an chuai ta,
Mahse, lungrun, dam te'n hlimin leng nang che.

Rinawmna kan tiam tawh si, sut leh thei hian ka mawi lul lo ve,
Mahse, lengdang tang i bei leh si,
Rinawmna pawh par ang a chuai ta,
Ka hmangaihna a tlawm vawng vawng.

Ka thinlai dawn lungrukah chuan nang nen hlim te'n,
Tudang, lengdang ngai lo renga lendun leh ka nuam;
Mahse, lungrun, hmangaihna chu puan ang i hnawl a,
Thinlai duhaisamah i tling zo tawh lo.

Hmanah khan enga'n nge biahthu mi lo hlan le?
Tahkhua tisei mai thlawn tura'n enga'n kan intawn?
Hmangaihna leh rinawmna te duatte'n ka hlan che,
Mahse, leng dang tangah i lo bei reng si.

Bawihte, i tan tiin ka theihna zawng leh,
Ka hmangaihna zawng leh ka rinawmna te;
Ka neih zawng nen i tan ka hlan kha,
Mahse, lengdang tang i lo bei reng si,
A na ka ti...