Theih chang se

Phuahtu: Jonathan Hmingthantluanga
Satu: Jonathan Hmingthantluanga

Kumsul tam a liam ta, nang nena kan hlimlai ni te,
Hmanlai changin an herliam zo ta;
Mahse, tawnmang lungmawlah a thar leh thin,
Hmanlai chang hnu kan nunhlui zawng te kha.

Bawihte, kan tawnah Khuanu leng hian a duang sual em ni le?
Nang nen runhmun lendun zai kan rel loh le;
Enga'n hmana hmangaih biahthu min hlan lai khan,
Runhmuna lendun zai kan rel loh le.

Theih changse lungrual te'n nang nena kan nuih duh lai kha,
Kokir lehin amte'n chen ila;
Mahse, bawihte, lam ang let an mawi tawh lo,
Tleidang belin riahrun kan rem ta si.

Tawnmang mawla'n lungrun, nang nena kan lenlai ni kha,
Puan ang tharin sakhmel pawh chul lo;
Mahse, bawihte, kir leh hian ka mawi tawh lo,
Puan ang chulin hrai duhleng ka pawm ta.