Ka thlang ber che (2 Wheeler Taxi Driver OST) (Lude)

Phuahtu: H.O.M
Satu: H.O.M

Amah chu mawina Pathian fa chuam,
Duh leh hmangaih loh theih loh tura duan;
Lianchhûng hrai leng duat lai an enchim loh te kha'n,
Eng tin kei riang lungmawl hi biahthu min hlan mai le?

Hringmi zaleng hei zawng piang tawh zingah, 

Ka chan chhîngzo awm maw?
Ka tan a par a vul chuang ngei,
Ka chhiat, ka that englai pawhin min kalsan ngai lo ve.

A mak ka ti, awih har ka ti,
Hei ang hmangaihna ṭâwmkai lo tan i phal mai hi,
Duhthlan tur sang sawm pawh awmse,
I zûn phurh hi ka thlang ber dawn asin.

Van ruahtui ianga malsawmna hlu,
Ka lei rohlu nang tel lo chuan;
Hringnun lamtluang zawh ka zuam nem maw,
Ka tan pialral ka neih chhun chu nang chauh i ni,
Suihlung lam ang her tirin,
Min liam san mai lo la.