A chetna tur mi a zawng

Phuahtu: Malsawmzuala
Thluk siamtu: Ronald Lalramsanga
Satu: Ratu Pastor Bial Zaipawl (2018-2020)

Lal Saula ralthuam a ngai lo ve,
Amah rin ngamna ka thuam a ni;
Hmalam thlir lova chunglam thlirtu,
Nih hi ka tan hian a tawk.

Lalpa mit chu hmun tinah a leng ruai a,
A lama rilru dik tak putu an awm phawt chuan;
A chakzia tilang turin Lalpa a ngawi rei ngai lo,
Lalpa mit chuan a chetna tur mi a zawng ruai a ni.

Rawhtuina mei kan thihna tur maw?
Kan zam lo, Lalpa kan phat thei lo;
Nun hlana i thu zawmtu te hi,
Kan thi lo, chhantu kan nei.

En teh, ka pa, mei leh thing a awm,
Mahse, halral hlan tur khawiah nge?
Ama tan a hlan tur Beram no,
Chu a ngaihtuah chawp ngei ang.

Lalpa tan chuan harsa a awm lo,
Theih loh, tlai tawh pawh a awm thei lo;
Engkimin a thupek an awih thin,
A thua awm vek an ni.